Vieiros

"A poucos meses da visita do Papa Bento XVI á Galiza, as persoas abaixo asinantes queremos mostrar publicamente o noso rexeitamento ao pontífice e aos valores que representa". Deste xeito o expoñen na bitácora Eu nom te espero!, onde critican ademais o desbalde de diñeiro público "en favor dunha determinada fe relixiosa".

O medio millón de euros por hora que custará a visita de Bieito XVI e que foi xa obxecto de debate parlamentario, é un dos argumentos expostos pola cidadanía promotora dun manifesto que convidan a asinar en internet. "As persoas abaixo asinantes rexeitamos a visita de Bento XVI a Galiza e esiximos o respecto escrupuloso dos nosos dereitos e liberdades para facer público, nas rúas de Compostela, o noso rexeitamento á institución que representa", afirman.