De como Iria case perde a súa lírica...
Unha Replica Lírica ó fino traballo de intoxicación Épico publicado por Xabier Cordal na Maré de Galicia-Hoxe
Erasmo
o 06/01/2008 11:57 ás 608 visitas Iria, rapaza neofalante galega monolingüe, namorada de Narf e da súa palabra a contrarritmo soña con ser ela mesma sen influenzas de ninguén e ir deixando na vida a súa estela de soños e desexos coma miles de irias que nacen tódolos días nesta terra…
Cóntalles ós amigos que a partires de hoxe vai falar sempre en galego sexa onde sexa e quérese sentir galega de seu e ir máis aló da medianía que ve ó seu redor… máis alá da hipocrisía deste mundo… quere voar ata os mesmos cumes e sentirse libre… e ser feliz.
Iría ten o peito cheo de ilusión, quere saír ó mundo e dicir: aquí estou!!!
Fermosa decisión: adiante, o mundo telo diante, cambia e constrúe canto queiras sen que ninguén mate os teus soños, que ninguén controle a túa vida máis que ti mesma… voa libre, Iria… vai ónde ti queiras… adiante… o mundo é teu e o futuro está diante!!!
Poren no canto de agasallala e felicitala pola súa xenerosa e preciosa decisión… a Iria fálanlle dos combates i enfrontamentos das neofalantes da Galicia urbana e aconséllanlle fixarse con atención na emerxencia de actitudes que sempre lle pasaran desapercibidas… Fíxate ben o que poden argallar contra de ti e da túa DECISIÓN!
E Iria perde pouco a pouco o sorriso e a súa expresión vai mudando e ponse moi seria e chora por dentro porque é certo: moitos son que non queren que fale galego, están en todas partes, están ó seu carón… pobre Iría, vai ter se armarse se quere saír ó mundo e falar alto e claro na súa lingua nai… Tódalas forzas conspiran contra dela… cóntanllo a media voz e na penumbra dos cafés… fíxate ben… estamos rodeados de renegados do arado… mira ese home, entre os corenta e a prexubilación, nótaselle que falou galego de cativo e que deixou de falalo cando chegou á cidade… cóidate destes homes Iría, sonche os peores, vante quitar o sorriso e a xuventude que levas no corazón!
Iria vai collendo datos, vaise fixando en todo o que lle din… e aínda que non fala con aquel home nin coñecerá xamais a súa historia, xa dende hoxe teno como inimigo a combater para salvarse ela… ela que, a partires de hoxe, vai ser coñecida como iracunda loitadora polos dereitos lingüísticos do seu pobo asoballado e traizoado polos homes maiores de corenta… ese mesmos que trouxeron unha cousa da que todos falan e ninguén entende: disque trouxeron a democracia a este país… e así nos vai!!!
Aquí deixo a lírica historia dunha Iria que ía ser libre e facer do mundo un lugar mellor… porque esta rapaciña agora só pensa en loitar contra os homes que lle fan aldraxe só con mirala en rededor… pobre rapaza galega que un día soñou con vivir independente de prexuízos unha vida mellor… os seus soños convertéronse en instrumentos a prol dunha guerra que non era a súa… xa a vexo entrando naquela igrexa bombardeada polo IRA na que agora actúa Narf e os seus grupos favoritos…!
Coma ela loitan contra o mundo cos rodea… e son moitos… e son centos… e son miles… e encherán o ceo e cubrirán a luz das estrelas…!!!
Iria, rapaza neofalante galega: soña e voa e fala o que te pete nesta a túa terra!!!
Galicia é Bilingüe: dúas Linguas os mesmos Dereitos!!!
Home de corenta, amante da súa lingua e da Liberdade,
que soña con estar xubilado das trampas que trae a vida…!!!
Comentarios (23)
Erasmo, cínico fillo da puta, vai tomar polo cu á túa corte de galicia pilingui. (Fillo da puta non é un insulto, o insultante sería chamarlle "fillo de puta" e en todo caso sería insultante para a túa nai.
Fora da confusa ou nula coerência internaque mostram os textos do tangallego Erasmo - para monstra esse berro de "liberdade lingüística" o serviço dos integristas do genocidio cultural galego- este leva o prémio pola sua confusa redaçom e a sua falta total de conteudo.
Os monólogos de auto-convencimento de Erasmo normalmente criam nojo ante o discurso baforento dos tangallegos misturado com algum tipo de libertarismo newage que disfarça o seu odio cara a língua galega de "liberdade bem entendida", mas esta parvada perpretada em Open Vieiros só pode criar magoa por umhas babocadas balbuciadas ante o imperativo de constestarem os Gabi a um artígo mui bom de Xabier Cordal.
Boa reflexión a do Erasmo.
Sobre os comentarios constatar tres cousas:
1. Esa pobreza de insultos, ese pequeno rexistro, calquera español o supera con creces.
2. As últimas enquisas están pondo a moita xente nerviosa.
3. ¿Quizais o Erasmo terá que facer como “algún dos nosos novos filósofos” é pechar a ventá de comentarios para falar ex cátedra?
1-Efectivamente vaimos pola horta sen ver as verzas Mein Clausewitz!
2-Enquisas, de quen?
3-Aplícoche, con xenerosidade, a filosofía para principiantes do meu anterior post.
Sen ver, sen ver:
"Die Wölfe gehen davon, wenn einer Feuer schlägt. Sahn jene Menschen einen Funken Vernunft, so kehrten sie, wie Diebe, den Rücken". (Hölderlin)
("Os lobos foxen se alguén acende lume. Cando estes homes ven unha chispa de razón, volven as costas, como ladróns").
Vaia vaia, temos aquí ao toliño da personalidade múltiple.
"A todo porco lle chega o seu San Martiño" vello casposo.
Tanto impoñer o galego á esquerda e dereita e logo non sabemos nin colocar o pronome átono nunha frase...
Precisamente por iso hai que ensinar ben o galego nas escolas fillo de goebbels.HAHA!
"Contra a estupidez, ata os deuses loitan en van"
HAHA! Xa sabía que te crías importante, amo do Olimpo.
Por outra banda o teu galego é moi mellorable.
A imposición de idiomas é un deporte practicado por xente coma ti a xente coma nós durante moitos séculos. Jaunak!
“Practico o deporte da imposición de idiomas” por saber colocar o pronome átono en galego.
Teño dificultades para seguir a súa lóxica (!).
Homiño, non é que teñas problemas de comprensión básica. O asunto é que non teño coñecementos de educación especial. Hala colócalle os pronomes átonos e tónico-clónicos que é máis ben o teu problema.
Erasmo, retíra-te. Aquí nom vas convencer a ninguém, estás predicando no deserto. Os que vemos esmorecer a nossa lingua dia a dia non che daremos nunca a raçom, digas o que digas. Entende que nom é um tema de raçom, é um tema de sentimento. E pensar que o castelam está em perigo ou discriminado na Galiza é estar cego.
http://www.youtube.com/watch?v...">http://www.youtube.com/watch?v...
Certo que o da lingua será sempre un tema de 'sentimento' (de aí a Lírica que está a piques de perder para sempre a nosa Iria...) e os sentimentos NON SE LEXISLAN POR DECRETO !
http://www.youtube.com/watch?v...">http://www.youtube.com/watch?v...
E como estas cousas da lingua non se improvisan nin se poden impoñer de calquera maneira compre ter moito coidado cos falsos atallos...!
http://video.google...
¿Cal será pois a Lingua que terá que falar a nosa Iria...?
http://video.google...
Según os criterios filolóxicos da LUSOFONÍA deberamos modificar os criterios ORTOGRÁFICOS para poder UNIFICARNOS co Portugués e co Brasileiro.
Parece ser que determinar a ORTOGRAFÍA é básicamente para os filólogos que participan nestes encontros Lusitanos unha cuestión POLÍTICA!
A lingua como fenómeno histórico-social está viva e evoluciona segundo o uso que fan os seus falantes dela: existen razóns lingüísitcas para esta evolución pero tamén hai razóns sociais e culturais que fan que a NORMA LINGÜÍSTICA veña dada polo que é Normal nunha Rexión lingüística determinada...!
Polo que vexo imos espallar no eido educativo unha normativa lingüística que NON É NORMAL... ¿esto é o que todos queremos?
Os reintegracionistas non tedes nada que dizer ?
Coloquialmente cando argumentes algo falaremos do tema...
http://video.google...
Galego - Portugués - Español - Inglés - Chinés - Árabe...
En liberdade, por favor !!!
Argumento básico:
Erasmo segues a ser un grande fillo da puta (coloquialmente falando).
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto