Orgullosa de ser galega
Orgullosos e orgullosas. Creo que así deberiamos sentirnos todos os galegos e galegas logo da aprobación do Decreto de Normalización Lingüística do Sistema Educativo.
Temos a sorte de ter dúas linguas, o galego e o castelán. Unha, o galego, discriminada historicamente a favor do castelán. Non entrarei nos motivos de tal discriminación, quedarei simplemente en que é obvio que existiu. Eu, por exemplo, non tiven a posibilidade de estudar en galego. Os meus pais e avós, influídos polos prexuízos dominantes hai varios anos, aínda que entre eles falaban e falan en galego, educáronme en castelán porque pensaban que así non me ían discriminar na escola e que sería mellor para o meu futuro.
Coma min, case toda a miña xeración e as que veñen detrás están educadas en castelán, non só na escola, a familia (polo xeral), os medios de comunicación, os amigos… a nosa vida desenvólvese en castelán, obviando que temos outra lingua, o galego, que esmorece por falta de coñecemento e, polo tanto, de uso.
Son española, e galega, e creo que a nosa lingua me constitúe como galega, forma parte do meu ser galega, pero tamén do meu ser española. Non entendería que nun estado plurinacional e plurilingüístico como o noso deixásemos esmorecer unha parte fundamental do que nos constitúe como membros dun país, unha parte fundamental da nosa cultura como é a lingua. Creo que sendo galega, que falando galego son tan española como un manchego falando castelán. Porque Galicia e o galego tamén forman parte da esencia de ser español.
É obriga das administracións públicas facer que a nosa lingua se manteña viva e promovela ata que acade a igualdade co castelán. Por iso paréceme tremendamente positivo introducir o galego na escola non de forma simbólica senón como unha lingua normal de expresión, unha lingua na que se poidan estudar as matemáticas, as ciencias da natureza ou a historia.
Escaso
Aínda que a min, persoalmente, paréceme que o decreto “queda curto”. Tendo en conta a situación do galego nestes momentos, con estudos que indican que pode desaparecer a medio prazo se non se toman medidas, parecería máis adecuado que o ensino fose integramente en galego. Isto non impediría acadar competencias lingüísticas en castelán, pois o resto da nosa vida desenvólvese nesa lingua. É simplemente, un medio para acadar a igualdade entre as dúas linguas, non un fin en si mesmo.
Por iso me parece lamentable a posición do Partido Popular. Despois do Decreto do 83, que nunca se cumpriu, os dous partidos do Goberno, o PSdeG-PSOE e o BNG puxeron todo da súa parte para que o PP se sumase ao consenso en materia lingüística. Parecía que o Partido Popular, por unha vez, esquecía os Acebes e Zaplanas e pensaba en clave de país… pero… unha vez máis, os intereses de Génova puxéronse por riba dos intereses dos galegos e o PP... donde dije digo, digo Diego. Non pode cualificarse máis que de vergoñento semellante espectáculo.
Para aqueles que, como o PP, digan que mellor nos sería aprender inglés, quero dicirlles que concordo con eles. Que por min, as horas das clases se poderían repartir para que os rapaces e rapazas acadasen competencias lingüísticas tamén en inglés ou en calquera outra lingua. O que non admito é que traten de vender que por estudar galego non vaiamos aprender inglés, pois moitos anos levamos estudando só en castelán e non lle escoitei propoñer ao PP (que, non o esquezamos, estivo gobernando 16 anos en Galicia) restarlle horas ao castelán para darllas ao inglés. Hipocrisías as xustas, por favor, que a Galicia tamén chegou o cambio niso de que “mexan por nós e dicimos que chove”.
Comentarios (29)
Non dubido de que no PSOE pode haber xente con sensibilidade cara o noso idioma, como se amosa neste artigo. Pero a historia é teimuda
e durante moitos anos a maioría dos militantes non dixeron nin mú ás aduanadas de Paco Vázquez. Se este país tivera un PSdeG homologable ao de Cataluña outro galo cantaría
Estou a favor polo amor a nosa língua, mais sinto moito ter que discrepar do pouco respeto que lle teñen xentes que militan no voso partido. Esa dobre nacionalidade español-galega non é consistente para recramar a preponderancia do galego. De proporse polo PSOE a totalidade do ensino en galego, de seguro que o BNG non poñería impedimento. Entón, deixádevos de farfallar.
Vamos a contar mentiras tralará... vamos a contar mentiras tralará... vamos aaa contaaar mentiraaas...
"curto"?????
Lusista! Traidora!
;-)
Évos ben certo que todo ten límite menos a ignorancia e a malicia! Estou certamente abraiado da capacidade de galegoexterminio que exhibe o PP sen o máis mínimo rubor!
Sería moi conveniente que o PP e os seus simpatizantes ( e semella que os do PSdG-PSOE e BNG tamén!) se esforzasen unha miguiña en diferenciar entre lingua propia, lingua allea, e lingua ou linguas oficiais; pois, o feito de ser oficial tamén na Galiza o castelán non o converte en lingua propia aquí.
O castelán é lingua propia de "Castela", oficial no seu territorio propio e mais no resto do territorio do Estado; mais, iso non o converte en lingua propia da Galiza. A oficialidade do castelán fóra do seu territorio propio, xunto coa obriga xeral de coñecelo, ten unha finalidade antidiscriminatoria, de evitación da discriminación a que poderían verse sometidos os españois en territorios de España con lingua propia distinta á súa. Funciona como lingua común ou universal no pequeno universo das linguas españolas; mais, iso, insisto, non a converte, non a equipara ás outras linguas españolas nos seus respectivos territorios.
O castelán fóra do seu territorio propio é unha lingua de uso EXCEPCIONAL. Á que lle corresponde un uso NORMAL, XERAL ou habitual é á lingua propia do territorio....como acontece co castelán no seu territorio propio!
Pretender outras interpretacións, equiparacións, igualacións entre o galego e o castelán na Galiza, ou en calquera dos outros territorios de España con lingua propia distinta ó castelán, évos ir en contra da Constitución, évos violar frontalmente o artigo 14 CE, évos ser exterminadores, conscientes ou non, das linguas españolas distintas do castelán! .........Évos ser moi pouco español!!
É obvio que o discurso do Goberno galego IGUALANDO lingua propia do territorio (galego) con lingua allea (castelán) polo feito de seren ambas oficiais É MANIFESTAMENTE INCONSTITUCIONAL por violación do preceptuado no artigo 14 CE!! (TRATAR IGUAL O QUE É DIFEFENTE É DISCRIMINAR); mais, non polo que con absoluta irresponsabilidade e malicia din os do PP!!
Así as cousas, é obvio tamén que na Galiza é perfectamente constitucional (outra cousa é a constitucionalidade plena ou non da literalidade da Lei de Normalización Lingüística) IMPOÑER o uso do galego en todas as materias que se queira, sempre e cando quede garantida a competencia referida en castelán. E isto, madia leva, sen prexuízo dos outros obxectivos que en materia de linguas estranxeiras estableza o currículo correspondente, e sen prexuízo de respectar e aplicar os criterios pedagóxico-didácticos máis apropiados segundo a lingua de procedencia, española ou estranxeira, dos discentes.
Non quere entrar nos motivos da intromisión do castelán na Galiza. Cando "paseaban" ós demócratas, galeguistas, estudiados ou, simplemente, envididados, non o facían só polo suposto mal que eles fixeran, facíano cunha nítida intención de transmitir medo a todos ós outros: ísto é o que hai, ou o aceptas ou paseo. E conseguírono, moitas bocas quedaron caladiñas sen molestar.
Pero esa ferramenta valía para ideoloxías, pero para o tema do idioma era usar canóns pras moscas, por moi grande que fose esta mosca. Así que o tomaron con calma. Eran moitas cousas, pero parvos de todo non. Sabían que a arma fundamental para construir un país é a EDUCACIÓN, e por iso foi do primeiriño que limparon, facendo do xa en por sí hispanolista ministerio unha fábrica de Españoscuelas, sí, sí, eses centros de educación direccionada, monolingüista e cun feixe de uniformistas intencións ocultas tras a inocencia aparente dos seus libros.
Sabían que tardarían algunas xeracións, pero ó final ahí está o éxito: os nados a partir do 70 e criados no ámbito urbano en qué idioma acabamos medrando. Os nosos pais xa mamaran desa educación, e que o entorno impedira neles sabían que na urbe á que emigraran non o faría nos seus fillos, que medrarían "bien hablados". Tan grande foi o sentimento de vergoña que mamaron, tantas ostias levaron por falar o galego diante daqueles mestres do sistema fascista que non podían permitir que os seus fillos se torceran. Os seus fillos serían moito máis ca eles: máis altos, máis guapos, máis ricos, con carreira e, evidentemente, "bien hablados". Para algúns misturouse a vergoña do idioma co abrazo ó poder pa mamar del, e hoxe en día exercen de "gavioteros".
Mirade logo cómo a lingua na educación é algo polo que o PP, herdeiros daquel réxime é algo no que non poden calar a súa españolizada boca. Pero ollo ca boquiña do Soe, dos Socialistas Obreiros E S P A Ñ O I S.
Recoñezo que Feijoó non está a ser o que moitos esperábamos no asunto do galego.
Pero tamén hai que decir que si non é polo goberno(s) de Fraga, o galego xa tería morto.
Polo que a min respecta, hai tempo que me decatei de que por moito respeto que eu tivese polo castelán se os que falan castelán non o teñen polo galego, eu non podo falar galego.
Vendo que a democracia ten sido o medio mais eficaz para extende-lo castelán e como non vexo intención de cambiar ... póñase unha fronteira nos Ancares e do mesmo xeito que outros cruzaron outras que agora estos crucen esta. España ten moi claro que só cabe unha lingua no seu territorio que é o castelán e quen ainda non o viu ou está cego ou non quere ver.
Alguém poderia indicar-me de que se trata exactamente isso que LOIS_DE_SILAN chama o artigo 14 CE? Umha URL seria mui de agradecer. Saúdos
Eu coido ca maioría dos políticos non está capacitada para entender o que con tanta exactitude plantexa Loli Rodríguez nesta espléndida nota. Desde Bos Aires quero felicitala con toda efusividade e tamén agradecerlle a Vieiros por vencellarnos con ela.
O Muxo
Supoño maraghota que non che parecerá mal que sexa eu mesmo quen che diga o que significa "art. 14 CE": ARTIGO NÚMERO CATORCE DA CONSTITUCIÓN ESPAÑOLA DE 1978.
Un saúdo.
Aí tens, Maraghota:
http://www.constitucion.es/con...
Bom proveito. Eu não li o contributo de Lois de Silán, pelo que não sei se já aprendeu que dever implica obriga, mas direito só implica possibilidade.
Ou Galiza mata o galego, ou o galego acabará por matar Galiza.
Pois nada, comeza por aplicarte o conto. Porque non se pode ter un discurso en Compostela e outro na Coruña. Podía vostede comezar por usar o galego nos mitíns, cando esta acompañada polos que gobernan no concello da Coruña. "O es que en la Coru le da cosa hablar en gallego?!"
Eu insisto...
Vamos a contar mentiras tralará... vamos a contar mentiras tralará... vamos aaa contaaar mentiraaas...
Pues no hija, la mayoría de los gallegos se sienten orgullosos de ser gallegos y españoles, pero no por la utilización sectaria y política de una bella herramienta de comunicación como es el gallego.
Qué le vamos a hacer...
Por cierto, el PP nunca ha dicho que mejor aprender inglés. Ha dicho que debe aprenderse equitativamente el castellano y el gallego, aunque a liberticidas como esta pájara (que por otro lado desconoce algunas realidades como cuando dice que España es un estado "plurinacional"...¡jajaja! España es una Nación y no hay ninguna otra reconocida, maja!)
Eu pásmome: como é que seguimos esperando algo positivo en relación co galego do PP e mesmo do PSOE? É que nunca imos aprender nada? Non son suficientes aínda todos os desprezos que fixeron e fan cara a nosa lingua? O Presidente dálle patadas á nosa lingua cada vez que fala e aínda lle temos que agradecer que a empregue, xa que non é o caso de todos/as. E iso por falar só da nosa lingua en versión "normativa" e non complicar aínda máis o asunto. Mentres sigamos sendo parvas/os e comulgando con rodas de muíño non deixarán de desprezarnos a nós e á nosa lingua.
Parabéns a Lois de Silan polas súas axeitadas puntualizacións sobre lingua "propia", "allea" e "oficial"; a confusión interesada ao respecto só é funcional para quen pretende que todo siga igual e o galego se vaia ao carallo. serve para afundirnos outro pouco máis.
E, coa que está caendo sobre o galego na chamada "democracia", gustaríame saber como se pode despolitizar a lingua como pretende Shiva.
Saúde e forza!!!
A miña opinión é clara:
España é un estado plurinacional, independentemente do que estea ou non recoñecido nas leis. Se as leis din que o sol xira arredor da terra, non por iso sucede tal cousa.
O único idioma que debería ser recoñecido como oficial en Galiza é o galego, cousa da que lamentablemente estamos moi lonxe.
A autodeterminación é un elemental dereito dos pobos que a constitución española, feita no seu momento en situación de liberdade vixiada, non respeta. Polo menos, Galiza, Euskadi, Cataluña e as illas Canarias teñen ese dereito que é violado pola constitución española, que ten moito de herdanza do franquismo aínda que non podemos negar que foi un claro avance con respeito á dictadura.
A liberdade vixiada non é só naquel intre: dura ata "mañán" polo menos ou "pasado".
E por se muove. Máis todo estaría moi ben, moi bonito si non fora polo gravísimo proceso de SUSTITUCIÓN , o único que explica cabalmente a situación actual e a historia da lingua galega.
galego no galiza, sinon onde madrid, sevilla, ..............
falade galego na galiza, e unha recomendacion si o permitides
SEMPRE EN GALIZA, ese debe ser nosa guia
Como dixo algún por alí enriba, e eu suscribo: xa que en España só caben unha lingua e unha cultura, poñemos no Bierzo unha fronteira e xa está. Do lado de quen estarás, Loli?
Novo comentario
Se xa tes o teu nome en Vieiros, podes acceder dende aquí:
Loli Rodríguez
Loli Rodríguez Amoroso naceu en Lugo en 1978. Meteuse de cheo no mundo asociativo na súa etapa universitaria, cando estudiaba Dereito na Universidade da Coruña, chegando a ser representante de estudantes na súa Facultade, no Claustro Universitario e no Consello de Goberno. Secretaria Xeral de Xuventudes Socialistas de Galicia dende o 2005, accedeu á Presidencia do Consello da Xuventude de Galicia en 2004. Tamén podes ler o seu blog.
Máis opinións
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto