Así foi o 2001: A rede en Galicia

Así foi 2001...

O que pasou na rede:

A REDE NO MUNDO

ASÍ FOI O 2001: A REDE EN GALICIA

A rede en Galicia evolucionou ao mesmo ritmo que todos os sectores da sociedade galaica: avanza timidamente, pero segue moi lonxe de acadar niveis de converxencia co resto do Estado, e moitos menos con Europa. Os últimos datos do EGM, correspondentes aos meses de outubro e novembro de 2001, volve a deixar o noso país como o terceiro pola cola en acceso a Internet das comunidades do Estado. Mentres a media está no 21,2% de persoas conectadas, Galicia ten por cifra o 14,6%, só superada á baixa por Estremadura (14%) e Castela-A Mancha (12,3%). Estes datos pódense completar co Perfil do Internauta Galego que elaborou Eganet e Pegaso.org.

Tamén hai que dicir que, segundo un informe do Eurostat, a axencia estatística da UE, o Estado español é o último dos Quince en investimentos no sector das tecnoloxías da información.

Iso si, foron aparecendo webs, novos medios e novos portais de cada vez de máis calidade. Aínda que o que se refire a comercio electrónico o ermo continúa e a falta de proxectos ambiciosos e con continuidade é, a cada paso, máis grave. Velaquí mostrámosvos, mes a mes, o que foi acontecendo na rede galega:

Xaneiro | Febreiro | Marzo | Abril | Maio | Xuño | Xullo | Agosto | Setembro | Outubro | Novembro | Decembro

Aparece Enxogo.com, o buscador do deporte galego, desenvolvido pola empresa viguesa mAs Impacto.
Eganet (Empresas Galegas Adicadas a Internet) denuncia a competencia desleal que están a exercer varias institucións públicas galegas no sector.
Valedor do Pobo estrea páxina web.
Preséntase XaneladaCultura.com, a web con información cultural do Observatorio Urbano do Eixo Atlántico, que se vén a engadir ao portal Xanela.
Nace XadrezGalego.com, da man dun grupo de afeccionados da zona de Vigo.
O Consorcio da Zona Franca de Vigo presenta WorldFishSite.com, o portal do peixe en Internet.
O Celta de Vigo deixa de ser o único equipo de Primeira División que non ten web oficial.
O Banco Pastor presenta un novo portal dirixido aos mozos de todo o Estado comprendidos entre os 16 e os 28 anos, Pastorclic.com.
Aparece SoloMountainBike.com.
I Olimpiada Informática Galega , organizada polo Concello da Coruña e pola Facultade de Informática.
Tarifa fixa de R a tempo particulares: 3.100 pesetas.

Nace a lista de correos Galiza Leste, onde se pretende discutir a problemática da Galicia Irredenta.
Rodrigo Romaní estrea web oficial.
Notas no computador en galego: traducción ao galego dun pequeno programa de pequenas notas para poñer no escritorio do computador, a xeito de "postits" electrónicos para non esquecer as cousas. Chámase ATnotes.
O Consello da Avogacía Galega vén de estrear fermosa e funcional web.
O Consorcio da Zona Franca de Vigo anuncia que vai destinar 2.000 millóns de pestas para crear o Instituto da Sociedade da Información e do Coñecemento.
Galego.org esmorece e logo sálvase: a Xunta deixou de apoiar este proxecto pioneiro na rede e Vieiros colleuno como propio e fixo un canal de noticias que se actualiza varias veces á semana.
Vieiros fixo o 24 de febreiro de 2001 cinco anos na rede e agasallou aos seus lectores cun Bemposto, un autocorrector para Word.

Na Universidade de Vigo, coa entrada no segundo cuadrimestre, veñen de comezar as primeiras clases por Internet na que participan as Facultades de Económicas e Empresariais .
O proxecto Pegaso de promoción das novas tecnoloxías na área de Vigo vén de reconverter a súa web e idea inicial para crear unha publicación con noticias tecnolóxicas.
Nace Psikia.com, un portal realizado na Coruña que trata sobre temas de psicoloxía e psicoanálise.
O Concello de Vigo vén de estrear un diario electrónico no que se informa das actividades promovidas pola corporación municipal.
Chega o Gatipedro, un boletín de noticias con moita coña e moita "chicha" confidencial. Foi perdendo gas co tempo.
Altavista estrea versión galega.
Celébrase o I Campionato Galego de Xadrez por E-mail que organiza a Asociación Deportiva Xiria de Carballo.
A Consellería de Familia presenta o programa "Pérdelle o medo a Internet", unha iniciativa para achegarlle a rede ás mulleres do rural.
O venres 30 de marzo celebrouse no Cesga o "Last Friday", un foro de discusión e aprendizaxe para todas as persoas interesadas na Internet galega.
Javier Represas, elixido novo presidente de EGANET (Empresas Galegas Adicadas a Internet).

Do 6 ao 8 de abril celebrouse en Santiago Xuventude Galicia Net, unha e-party que reuniu un milleiro de afeccionados á informática.
Estréase a web da Cidade da Cultura de Galicia, o macroproxecto cultural do Monte Gaiás que vai realizar o arquitecto norteamericano Peter Einsenman.
Google vén de ser traducido ao galego por Luís Touriñán.
A Universidade de Santiago estrea Campus Virtual.
O portal CulturaGalega.org presenta unha pequena colección de poemas titulada Novas voces da poesía: escolma de textos de varios autores novos acompañada das súas propias voces.
Isabel Vaquero e Daniel Romero, autores tamén do libro sobre a Internet en Galicia, "Da periferia á Rede", inauguran tamén unha páxina chamada Redada.
A Xunta, en colaboración con outras entidades, crea o Observatorio das Tecnoloxías da Información e a Comunicación.
Laureano Oubiña xa ten web dominio propio na rede.
As pemes poderán obter un desconto mínimo do 40% na adquisición de equipos de telecomunicacións, segundo un acordo de colaboración entre a Consellería de Industria e Comercio e os fabricantes e operadores de novas tecnoloxías da comunicación.
Un fan de Cristina Saavedra, a popular presentadora galega de Antena 3, mantén esta web: CristinaSaavedra.com.
Fraga e Alierta, o presidente de Telefónica, prometen estudiar unha solución para o problema dos TRAC no rural galego.
Créase o Foro da Sociedade da Información, con SI-Galicia.org como web, un organismo creado pola Secretaría Xeral de Investigación e Desenvolvemento da Xunta de Galicia, Caixa Galicia e a Confederación de Empresarios de Galicia.
Outra e-party en Taboada do 28 ao 30 de abril.
Máis escritores "on line": ManuelSeixas.com e MaresdeSinbad.org, de Rafa Villar.

Outro poeta con web de seu: Eduardo Estévez e a súa lúa gris.
Porno e letras para o 17 de maio: Necesariamente X, unha experiencia porno-literaria de Camilo Franco en Vieiros.
Máis para as Letras Galegas: Especial de Vieiros, que lle rendeu homenaxe a Eladio Rodríguez buscando a palabra favorita dos galegos.
O Concello de Santiago ofrece baixar o xogo educativo multimedia "O Misterio das Sete Pezas", en galego.
A CRTVG estrea nova faciana na web, con moita máis información e en moitas linguas.
Un par de mozos de Vigo publicaron na web adicada ao hacking UNR.com o software que utiliza Terra para o seu chat.
Sae o primeiro número de A Contrafío, un dos abandeirados da liberdade da prensa en Internet. Información alternativa e antigobernamental para quen estea disposto a asimilala.
A web do Centro de Estudos Fotográficos de Vigo cambiou o seu deseño e contidos, vendendo tamén algunhas das súas obras en liña.
Quenequen.com na Internet galega: onde podes atopar información sobre as persoas e empresas adicadas á rede no noso país.
Cinco anos da revista Çopyright, dirixida polo profesor da Universidade da Coruña, Celso Álvarez Cáccamo.
Bolsa de emprego en CIMO.
O Opera 5.02, en galego gracias aos mozos e mozas de Galego21.org.
2º Foro de Comercio Electrónico, celebrado o 29 de maio.
R presenta o seu portal B2B:
Preséntase Bravú.net: un portal de cultura alternativa. Sóbralle calidade.

O Consello da Cultura renova a súa web.
Museo das Peregrinacións en liña.
Plataforma de e-comercio para PEMES, pola firma luguesa Desarrollos Digitales.
O PSdG pide Internet para todos no seu programa electoral.
Xornadas de Eganet sobre negocios "on line" no Parque Tecnolóxico de Galicia.
Conéctate@Galicia.com, unha iniciativa de popularización da Internet polo país adiante. By Pérez Varela.
Concurso de poemas por SMS, organizado por Xaneladacultura.com.
Glosario galego de termos da Internet, por Ana Hermida, unha traductora pontevedresa.
O Xis publica a versión galega do WinRAR.
Créase o Doutoramento en Tecnoloxías da Información na Escola de Telecomunicacións da Universidade de Vigo.
Celébrase a "I Xornada Eganet para Solucións e Negocios TIC".

Codigo Cero

O Observatorio de Xornalismo e Novas Tecnoloxías pide en comunicado público a retirada da LSSI.
O Colexio Profesional de Xornalistas de Galicia estrea web.
O programa da Radio Galega Código Cero vén de estrear web.
BodegasdeGalicia.com.
Preséntase a Proposta Galiza, manifesto que reivindica ese nome para o país. Pódese asinar en liña.
Chega á rede o portal independentista Galiza Livre.

E-Party en Redes (Ares), organizada polo grupo informático ELiTE.
CaixaGalicia.pt, estratexia "on line" tamén para o país veciño.
Atopamos na rede o tan cacarexado Libro Branco da Sociedade da Información de Galicia.
Os Tróspiros de Caña están promovendo dende a súa web a volta ás pantallas do país de Arale.

Pita presenta a web oficial das eleccións galegas.
Os días 13 e 14 Santiago acolleu os Primeiros Encontros Internacionais de Teletraballo.
Pereirazo.com, web que o conta "todo sobre o casorio de José Pereira Fariña".
Os concellos de Santiago de Compostela, Pontevedra, Vigo, Lugo e Ferrol, xunto coa CIG-Ensino, a AS-PG e Galego 21, presentaron Ciberlingua, unha proposta para estender o uso do galego entre a mocidade no ámbito da internet.
Pita inaugura o "Portelo Único", Eidolocal.com.

Vieiros estrea o seu Especial electoral.
A Axencia Galega de Noticias estrea versión en rede.
Mesa redonda sobre o Libro Branco organizada polo Observatorio de Xornalismo e Novas Tecnoloxías (OXNT) na que se pide por unanimidade a reforma deste documento.
A axenda da Universidade de Vigo, no teu móbil a través deste servicio WAP.
Estrella Digital desembarca no noso país: Galicia Estrella.
Curso de posgrao Deseño de Materiais Multimedia Educativos, da Universidade de Santiago.
A tenda de comercio xusto Panxea abre un establecemento na rede.
As tres universidades do país xuntan esforzos no proxecto Bugalicia.org.

Arroutada

Do 1 ao 4 de novembro celébrase no Coliseum da Coruña a Arroutada Party 9.
Ángel Viña, profesor de Informática da Universidade da Coruña e presidente de ISOC-Galicia, vén de ser elixido polos diferentes representantes dos capítulos desta organización no Estado como vindeiro presidente do órgano europeo da ISOC.
O SERGAS estrea o seu servicio de citas de atención primaria.
O estaleiro Factorías Vulcano de Vigo retransmitiu en directo a botadura do barco "Mar Adriana" dende a súa web.

Galego21 saca unha nova versión en galego do navegador Opera, a 5.12.
O INEGA, ou Instituto Enerxético de Galicia, estrea páxina web.
Sinatura promovida polo OXNT pola liberdade e a privacidade en Internet.
Estréase LaGanzua.net, un magnífico e-zine de música independente.
Vieiros estrea Especial Nadal.
Caixanova inaugura a súa banca "on line".
TraballosenGalicia.org, unha bolsa de traballo para emigrantes.
O grupo de teatro BerroBambán vén de publicar na rede un vídeo sobre a Casa Encantada.
O Consello da Cultura Galega convoca o I Concurso "A tradición oral en Galicia".
Lusografia.org, un portal sobre a lingua galego-portuguesa no mundo.
A praza de abastos viguesa en liña: MercadoProgreso.com.
Inocentada para o 28-D: Cuíña crea o seu propio partido: - ADG.
Vieiros presenta Axenda Electrónica.
A Asociación para a Defensa Ecolóxica de Galiza (Adega) renova totalmente a súa web.

O que aconteceu no mundo | O que aconteceu en Galicia | A rede no mundo

« Vieiros