Edición xestionada
por Ester Vázquez
e Luís Teira de
edugaliza
Nº 4 Maio de 2005
Contacto
Anteriores: Nº 3, Nº 2
Nº 1, Nº 0
O hiphop
O hiphop é un movemento cultural nacido a finais dos 70 e comezos dos 80 en barrios marxinais de Estados Unidos. Nel conflúen diferentes manifestacións como o break dance, o graffiti, o rap e os DJ. Existe unha certa tendencia social a relacionar este tipo de música con persoas marxinais e conflitivas, o que en moitos casos dificulta o coñecemento e difusión deste estilo musical e cultural.
Os especialistas afirman que o hiphop ten unha orixe africana. Porén, na Galiza, podemos atopar un precursor deste fenómeno de canción improvisada, de rima sinxela e temática social nas regueifas.
Usualmente asóciase o termo a un estilo musical, non obstante, trátase dun movemento moito máis amplo que abarca outras manifestacións artísticas como o graffiti, o break dancing, o DJ e o rap.
Mentres un ou varios DJ pinchan a base musical do espectáculos, o MC. ou cantante rapea e anima ao público cos seus temas. Ao redor do rapeiro poden estar bailando varios breakers. Nalgúns casos este espectáculo vese complementado coa realización, in situ, de graffitis.
O graffiti é a expresión plástica máis representativa do hiphop, e pódese entender como tal dende a sinatura ou tag do autor ata un mural de gran formato.
En Galicia a cultura hiphop é un fenómeno emerxente, con formacións como Díos Ke Te Crew, nacida en Ordes e que dá cabida ás diferentes disciplinas do hiphop.
Os Master of Ceremony, ou M.C., antigamente eran os que animaban as festas hiphop. Agora úsase para referirse aos rapeiros.
... o tagging consiste en ir asinando, ben cun rotulador ou ben cun esprai, o nome do propio autor.
... as regueifas consisten en batallas verbais rimando, onde os regueifeiros se meten o un co outro?.
... a cadea de comida rápida MC’Donalds pagaba aos músicos de hiphop por incluír o nome dos seus productos nas letras?
- Mira algúns graffitis pintados en Vigo
- Aquí hai graffitis pintados en Ordes
- Coñece algún dos grupos galegos nesta tendencia musical
- Nano 4814 é un graffiteiro vigués
- El Crawler graffitis dende Galliza
- A historia do hiphop vista polo alumnado do IES Marco do Camballón de Vila de Cruces
- Pinto d'Herbón e Luís Caruncho son dous dos máis famosos regueifeiros do país
1. O graffiti é unha das manifestacións máis características do hiphop, e para algunha xente non deixa ser un acto de vandalismo. En grupo, buscade argumentos a favor e en contra dos graffiti.
2. Podes probar a facer un graffiti dixital usando un programa de debuxo (o paint, corel, etc).
3. Rapear pode ser máis fácil do que a simple vista parace. Animádevos e en grupo podedes tentar facer un pequeno texto para logo recitalo - rapealo queremos dicir.
Pechar