Amilenko recrea neste tema unha hipotética situación de estado de sitio causada polo reiterado caos urbanístico dunha cidade sitiada por obras e demolicións constantes como é a cidade da Coruña. Os feitos narrados en clave de nenciencia-nenficción presentan un marco de prevaricación inmobiliaria especulativa tal vez sita nun imaxinario 20?? (for instance…).

Amilenko tamén presenta un "videoclin" con imaxes reais da demolición dunha casa emblemática na rúa Atocha Alta, no mítico barrio de Monte Alto, no que foron asasinadas varias persoas pola súa vinculación coa República e o seu fondo carácter librepensante e libertario con motivo das purgas da dictadura franquista española… As persoas e as casas, poderemos ser derrubados… Pero non se borrará a memoria das nosas pegadas, mentras queden fachos de cultura prendidos por aqueles e aquelas que se negan a esquencer, mentras aínda disponen de memoria.

Este tema está adicado a todas as persoas “anónimas”, que non entrando nos libros escritos polos vencedores de batallas absurdas, foron protagonistas directos da Historia, en primeirísima persoa, morrendo con dignidade (a mans de seres indignos) a prol das súas ideas baseadas na igualdade e fraternidade de toda a Humanidade…