A que fora conselleira de Asuntos sociais, Emprego e Relacións laborais no penúltimo goberno Fraga, María Xosé Cimadevila, faleceu a tarde de onte como consecuencia dun cancro. A estradense, que tiña 46 anos, dirixira a consellaría entre xaneiro de 2003 e setembro de 2004, cando a súa enfermidade a obrigou a retirarse. Licenciada en Dereito, fora directora xeral de Relacións laborais e secretaria xeral da consellaría de Xustiza. A Xunta concedeulle a medalla Castelao en 2005.