Vieiros

Vieiros de meu Perfil


Edición xeral

RSS de Edición xeral
VENCELLADO AO PP EN LEXISLATURAS ANTERIORES

O PSdeG recupera a Xosé Vázquez Portomeñe para a secretaría xeral de Traballo

Recibida con cautela dende os sindicatos a probábel volta ao escenario político galego do que xa fora director xeral de Relacións Laborais co PP está entre as principais novidades da nova estrutura da Xunta, que se vén confirmando estes días. Ramón Lueje, saído da área urbanística do concello compostelán, para a dirección xeral de urbanismo, ou o concelleiro pontevedrés Luis Bará, para a dirección xeral de Promoción Cultural, son outros nomeamentos que o consello da Xunta deste xoves podería confirmar.

- 06:39 11/08/2005
Tags:

Nos departamentos do PSdeG estarían confirmados Fernando Salgado, en Comunicación; Manuel Guillermo Varela e Francisco Carballal, en Presidencia; Ramón Lueje, en Política Territorial; Benito Fernández Rodríguez, en Educación, e José Vázquez Portomeñe, en Traballo.

Polo que respecta ás áreas dependentes do BNG, pasarían a ocupar responsabilidades Antón Losada, en Relacións Institucionais; Luis Bará, en Cultura; Daniel Pino, para o Instituto da Vivenda e Solo; Santiago Domínguez Olveira, en Deportes; Carme Adán, en Igualdade; Antonio Fernández Oca, Alberte Souto e Edelmiro López Iglesias, en Medio Rural.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: