Edición xeral
Duras críticas a un mapa que contempla os territorios históricos
Un mapa de Galiza, no que tamén se poden ver os territorios históricos que quedan fóra da actual división administrativa, ergueu polémica en determinados medios de comunicación galegos e zamoranos. A algúns sectores moléstalles que haxa profesores que empreguen o documento con fins didácticos. A dirección de Nós-UP vén de facer público un comunicado no que recoñece a autoría do mapa, que se remonta xa a 2003.
Para a organización independentista esta nova polémica é artificial. Alegan que a estrutura comarcal foi entregada hai tres anos a entidades, institucións e persoas interesadas. Dende Nós-UP apuntan que o profesorado galego máis consciente e rigoroso, sabe que o ensino da lingua e da historia de Galiza ultrapasa a división provincial española. Nós-UP subliña que incluso a elaboración desta carta contou con moitos colaboradores que viven nos territorios históricos.
A formación política acusa á Xunta de "evitar" iniciativas relacionadas coas comarcas irredentas. Nós-UP cre que o bipartito repite a visión do PP e renuncia á fonda relación que existe con estes territorios. Os independentistas sosteñen que os cidadáns desas bisbarras teñen os mesmos dereitos ca os da Galiza administrativa e, polo tanto, tamén o de decidir o seu futuro.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto