Vieiros

Compostela está a acoller a primeira reunión dos participantes do proxecto e-MINDER, unha rede europea rexional de centros de competencia para a promoción do comercio electrónico. Esta iniciativa, que conta co apoio da Unión Europea, centrará os seus esforzos na axuda ás PEMES, de xeito que podan resultar competitivas no eido dos negocios en rede. O Cesga lidera a posta en marcha deste proxecto, relacionado co Foro SI-Galicia (Foro para a Extensión da Sociedade da Información e o Comercio Electrónico). Nesta experiencia participan a rexión polaca da Pomerania, Chipre e Galicia. O e-MINDER terá unha duración de dous anos, e conta cun presuposto de 723 millóns de pesetas, dos que 278 irán destinados ás actividades desenvolvidas na nosa comunidade.