Vieiros

Hai seis meses o Goberno mexicano promulgaba a Lei Indíxena nun intento de rematar coa loita armada no estado de Chiapas. O Exército Zapatista de Liberación Nacional, EZLN rexeitouna porque o documento suprimía o dereito á autonomía territorial dos pobos indíxenas e non os recoñecía como suxeitos de dereito público. A oposición fai agora unha proposta que quere correxir algúns deses problemas, dándolle a estes pobos capacidade para decidiren as súas formas internas de convivencia e a organización socio cultural e mesmo económica e política. Por outra banda, a Corte Federal do país tamén ordeou a reapertura da investigación da matanza de Tlatelolco, en 1968, cando foran asasinados polas forzas públicas máis de 300 estudiantes.