Vieiros

O vicepresidente do Consello da Cultura, Ramón Castromil, deu por feito o proxecto de creación dunha Escola Superior de Arte Dramática, unha vella reivindicación do mundo da escena galaica. No transcurso da presentación do Anuario Galego de Estudios Teatrais 2001, Castromil felicitou á Xunta por este "fito" dunha importancia "tan inmensa a pesar de que aínda que teñamos que esperar algúns anos". Sen embargo, na Consellería de Educación negaron a existencia dun plan fixo para a súa creación. Confirman que hai "intención" e tamén que "houbo conversas co Concello de Santiago para buscar terreos onde situala", aínda que nada concreto polo de agora. Mentres, o teatro galego agarda espectante a que a cousa sexa algo máis ca un lapsus de Castromil...