Edición xeral
Conversas con Mini e Mero
A asociación xuvenil Unión Galeguista organizará un acto cultural o xoves 23 ás 20:00 no café Airas Nunes de Santiago onde se falará con Mini e Mero: mestres, compositores, músicos e mantedores da cultura galega popular.
Os dous protagonistas falarán da súa experiencia vital, como membros fundadores do grupo Fuxan os Ventos, do que formaron parte durante 10 anos, logo A Quenlla, no que traballan desde 1984.
Actualmente teñen editados máis dunha ducia de discos, e recompilan información relativa á cultura galega que logo publican en libros coma: Contos de Vellos para Neno; Somos Lenda Viva; Nadal en Galego e unha obra inmensa chamada Cantos, Coplas e Romances en Galego.
Esta conversa inscríbese no ciclo de charlas que baixo o nome de 'Café con...' realiza a Unión Galeguista. Con estes cafés preténdese dar un paso máis e evitar a frialdade dunha aula magna e así falar amigablemente cos protagonistas da nosa historia presente.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto