Vieiros

Vieiros de meu Perfil


Edición xeral

RSS de Edición xeral

Galicia estréase en Eurovisión

Será a primeira vez que Galicia estea presente en Eurovisión. Nunca antes, baixo ningunha bandeira, cantou un galego ou unha galega nos escenarios da UER. E neste 2003 chega Verónica Codesal, unha galega nacida en Bélxica e que compite pola radiotelevisión belga, pero que garda moitísima relación co país: para algo é pandereteira e apoia a Plataforma Nunca Máis de Bruxelas.

- 18:54 22/05/2003
Tags:

Verónica Codesal sairá ao medio do Skonto Hall de Riga contra o final da gala, como voz do grupo Urban Trad. A formación roqueira belga caracterízase por unha peculiar forma de tocar "ao celta", e así se explica que o seu líder espiritual, Yves Barbieux, toque a gaita galega amais das frautas, por exemplo.

Pero Verónica toca tamén noutra formación, ata o de agora máis coñecida polas nosas leiriñas ca Urban Trad. Ialma é unha formación moderna de pandeireteiras, formada unicamente por mulleres da emigración galega en Bélxica. Publicaron o seu primeiro traballo, 'Palabras darei', en 2000, pero non foi ata o verán de 2002 e a publicación de 'Marmuladas' cando comezaron a darse a coñecer plenamente entre os galegos e galegas.

O peculiar colectivo Va-Ca está a desenvolver unha campaña para que Verónica (e Bélxica) sexan moi votadas entre nós. Ademais de recolleren na súa web unha chispa de felices e divertidos argumentos para torcer por Urban Trad, tamén achegan todos os recursos para convencer os aínda reticentes: vídeos, arquivos de son, fotos...

Antes ca Verónica, só puideron presumir de galeguidade en Eurovisión Julio Iglesias (por seu pai) e Karina (por un avó). Pero non o fixeron. Verónica Codesal mesmo valorou a posibilidade de aparecer no Skonto Hall con símbolos de Nunca Máis, con quen colabora dende Bruxelas. Pero a organización do Festival, sempre tan estricta, se opuxo.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: