Vieiros

Por primeira vez un conxunto galego participou no Liet Ynternasjonaal, o festival da canción europeo onde só concursan as linguas minorizadas. O conxunto de pandeireteiras Anubía quedou quinto, con 44 votos, interpretando "Ai", un tema avance do que será o seu novo disco. Os triunfadores da noite no ateigado teatro De Harmonie, na cidade frisona de Ljouwert, foron un estraño conxunto que chegaba das terras do norte: cunha mistura de percusión tradicional e música electrónica os Transjoik levaron o Liet para o País dos Sami (ou sexa, Laponia). Segundos quedaron os mozos galeses de Epitaff, e detrás deles córnicos, occitanos, galegos, frisóns, cataláns, irlandeses, sorbios e friulanos.

• A participación de Anubía, a primeira dun conxunto galego.
• A web do festival.
• Que é o Liet Ynternasjonaal?
• O éxito de Verónica Codesal en Eurovisión.