Vieiros

Presuntamente argallado por ‘spammeres’, individuos adicados a facer escolma de correos electrónicos, a cantos máis mellor, para logo bombardear os enderezos recollidos con envíos masivos de publicidade non solicitada, este virus foi xa cualificado de ‘perigo extremo’ polo Centro de Alerta Antivirus. O becho pode ademais facer buraco no computador que o acolle podendo facilitar o uso do equipo infectado para o envío masivo de novos correos. Chega co saúdo ‘Hi’ no asunto e como moitos outros, cun arquivo adxunto ‘.exe’. Iso si, trae data fixada para a súa propia desactivación: o 28 de xaneiro.