Vieiros

Os actores Luís Tosar e Luísa Martínez e o xornalista e escritor Ramón Chao acompañarán a Camilio Nogueira na lista que presenta o BNG ás eleccións europeas. O BNG achega 15 candidatos dos 54 que compoñen á listaxe completa da coalición Galeusca, Pobos de Europa. A composición da lista do BNG supón, segundo a formación nacionalista, “un claro avance cara a paridade de xéneros na súa composición, a presenza de persoas moi relevantes do mundo social e de referentes do nacionalismo galego e por amosar tamén unha grande dose de renovación xeneracional”.