Franco segue sendo "fillo predilectísmo" da Coruña grazas ao PSOE
"A historia é a que é, aí está; deixemos a historia, recuperemos a memoria e rindamos homenaxe a aqueles que foron perseguidos e marxinados". Con estas palabras, "que comparte todo o grupo municipal socialista", argumentou o alcalde da Coruña, Francisco Vázquez, o rexeitamento do PSOE a unha moción do BNG para retirar o recoñecemento de "fillo predilectísimo e adoptivo" da cidade ao xeneral Franco. O PP tamén votou en contra da moción nacionalista con argumentos semellantes: "o pasado, pasado está" e "hai que mirar ao futuro", segundo dixo o voceiro "popular" Fernando Rodríguez Corcoba. Henrique Tello, do BNG, retrucou que a iniciativa "non trata de borrar a historia, senón de borrar un recoñecemento social".
"Non vou a entrar niso, é o peor que pode haber", engadiu Vázquez despois de asegurar que os símbolos da dictadura que perviven na cidade non son símbolos franquistas, "senón históricos".
A corporación local da Coruña nomeou a Francisco Franco "fillo predilectísimo e adoptivo" da cidade o 10 de outubro de 1936, tres meses despois do golpe de estado contra o goberno da República.
Con este novo rexeitamento, o alcalde da Coruña ignora as recomendacións da dirección do PSOE a todos os seus cargos institucionais para que retiren os símbolos franquistas
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto