Vieiros

Vieiros de meu Perfil


Edición xeral

RSS de Edición xeral
FRONTE Á PRECARIEDADE DOS TRABALLADORES GALEGOS DA COMUNICACIÓN

O Sindicato de Xornalistas pide que o emprego "digno" sexa criterio para a concesión de licencias dixitais

"Sen estabilidade laboral non hai medios independentes", advirten dende o Sindicato de Xornalistas de Galicia. O aviso chega diante da próxima concesión de ducias de emisoras de radio e tv locais que deberá facer o novo goberno, polo que se subliña que PSdeG e BNG teñen aquí unha oportunidade de actuar na liña da sía promesa de "apoiar a independencia dos medios". No seu comunicado deste martes, o sindicato lembra que ese apoio pasa por frear "a contratación de falsos autónomos, as xornadas abusivas e a explotación de estudiantes en prácticas", que segundo insisten "son prácticas habituais na maioría das empresas da comunicación en Galicia".

- 10:54 09/08/2005
Tags:

"A concesión das emisoras dixitais constitúe unha oportunidade única para a Xunta de fomentar un xornalismo independente e profesional". Na opinión do sindicato iso require do fomento da estabilidade laboral dos traballadores. Así, e diante da próxima creación de postos de traballo que debería promover a concesión destas licencias advirten que "o aumento destas formas de explotación laboral sería unha das consecuencias de que o novo goberno non aplicase o criterio de promoción de postos de traballo estables na resolución destas convocatorias".

O Sindicato de Xornalistas de Galicia rexeita que "o lanzamento destes medios se realice a costa de facer aínda máis precarias as pésimas condicións laborais dos traballadores da comunicación en Galicia". Ao tempo, lembran que no seu momento pedíranlle xa ao anterior goberno a retirada dos concursos ao considerar insuficiente "a puntuación que nos baremos de valoración se daba á creación de postos de traballo" criticando tamén que a Xunta non fixase "a imprescindíbel diferenciación entre contratación estable e temporal".


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: