Vieiros

Cincuenta festivais e vintecinco países proxectaron ate o de agora a fita do cineasta de Bueu, que xa leva colleitados por riba sete premios en Europa e América. Pero é que a súa curta xa chegou tamén a Asia e África, onde espectadores de diferentes culturas gozaron coa historia do malvado inventor que anda na procura de domear o mundo mediante a hipnose. . Os actores Saturnino García, Manuel Millán e Tacho González protagonizan esta singular historia rodada na Galiza que, como agarda Manuel Pena, pode ser o derradeiro chanzo na súa andaina antes de dar o chimpo ás longametraxes, eido onde o director buenense busca produtora para Ramsés, título provisional do seu primeiro proxecto longo que agarda poder rodar axiña no noso país.