Vieiros

Cos primeiros datos oficiais que chegan logo das eleccións presidenciais, confírmase que o líder dos sindicatos cocaleiros bolivianos, Evo Morales, está preto da maioría absoluta que o convertiría de xeito automático en novo presidente do país. Coa metade dos votos contados, o candidato do Movemento ao Socialismo suma arredor do 50% dos apoios, polo que podería non precisar da posterior negociación do Congreso para asumir a presidencia. Morales, xa agradeceu o apoio dos cidadáns e declarou que "comeza a nova historia de Bolivia" e subliñou o inicio da "loita a prol dos nosos recursos naturais". O candidato da dereita boliviana, Jorge "Tuto" Quiroga recoñeceu a derrota e gabou o proceso democrático vivido polo país logo da recente crise política.
Anteriores:

• As sondaxes agoiran a victoria de Evo Morales nos comicios bolivianos
• O labirinto boliviano, as claves das eleccións en Bolivia segundo o Igadi
• Última hora en La Prensa: Evo agradece o triunfo, o reconto dálle o 50,9% e os outros candidatos recoñecen a derrota
• Máis noutros medios locais: La Razón e El Diario