Vieiros

Dende AVE María márcanse tres puntos chave na reivindicación de San Canuto. Por unha banda a defensa dos dereitos dos consumidores "de herba, haxix e substancias de síntese a nivel terapéutico"; en segundo lugar a denuncia da ambigüidade legal existente segundo a cal "a tenza ou o tráfico con estas substancias está penado legalmente pero non o seu consumo". En terceiro lugar AVE María quere reivindicar este San Canuto "a persecución das pequenas plantacións de mariguana". Segundo a asociación, en 2005 incautáronse 400 plantas de mariguana en terra e 200 en testos, o que supuxo a detención dunhas 40 persoas.

Por todas estas razóns, e baixo os lemas Pola normalización do cánabo e Contra a persecución do dereito a dipoñer sobre nós mesmos, dende AVE María convídase á festa de San Canuto a todos aqueles e aquelas que "defendan as liberdades, o dereito á información e o tratamento científico e non moralista do chamado problema das drogas".