Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
MARCHA EN BARCELONA POLO RECOÑECEMENTO DE NACIÓN PARA CATALUÑA

Espazo Galego participa na Plataforma "Pel dret de decidir"

Alén das organizacións políticas parlamentarias, movementos sociais e entidades catalás promoveron a Plataforma "Pel dret de decidir", co gallo de intervir no contexto político aberto polo debate da reforma estatutaria. O Espazo Galego dos Països Catalans, como organización que manifesta nos seus principios ideolóxicos a participación na sociedade catalá, adheriuse á Plataforma e participa activamente nela. Informa Fco. Xabier Paradelo.

- 10:21 09/02/2006
Tags:

O Manifesto da Campaña, que leva por título "Somos unha nación e temos o dereito de decidir!", conta con máis de 350 adhesions de entidades sociais e políticas de ampla variedade ideolóxica: dende colectivos de defensa da lingua, entidades culturais, ecoloxistas ou feministas, ata movementos antiglobalización. Os partidos políticos participarían coma unha entidade máis, no marco dunha campaña aberta, plural e democrática.

Os asinantes consideran preciso que se garanta que as políticas que se executen dende as institucións estean acordes coas "aspiracións e necesidades do pobo catalán", do mesmo xeito que defenden, para ter un verdadeiro autogoberno, a necesidade de contar cunha auténtica soberanía fiscal e tributaria, competencias en relacións internacionais e cooperación. Tamén amosan a súa preocupación polo "clima hostil" promovido por "círculos antidemocráticos en contra das lexítimas aspiracións políticas e democráticas" de Catalunya.

A Campaña ten como referente a Assemblea de Catalunya, que hai 25 anos promovera o restablecemento da autogoberno, e a gran manifestación en defensa da autonomía, feitos que levarían a elaboración do histórico Estatut que agora se está a reformar.

Para amparar que "Som una nació i tenim el dret de decidir" a Plataforma convoca unha marcha en Barcelona o vindeiro 18 de febreiro. A manifestación ten previsto saír ás 17 h da Praza de España e rematar na Praza de Catalunya. Espazo Galego dos Països Cataláns, como entidade adherida, convida a galeguidade de Catalunya, colectiva ou individualmente, á adhesión á Campaña e á participación na marcha convocada.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: