Vieiros

Vieiros de meu Perfil


Fwwwrando

RSS de Fwwwrando
O CONVENIO ASÍNASE ESTE SÁBADO

Cesga e USC deseñarán para os hospitais unha plataforma de ensino virtual

Integrados no proxecto europeo bautizado e-Hospital, o Centro de Supercomputación de Galiza e a Universidade de Santiago de Compostela desenvolverán, en colaboración coa Fundación Juan Canalejo da Coruña, unha plataforma de ensino en liña da que poderán beneficiarse os pacientes dos centros hospitalarios galegos.

- 10:34 12/05/2006
Tags:

"Os pacientes dos hospitais a miúdo ven restrinxida a súa mobilidade e por iso poden beneficiarse especialmente das posibilidade dunha aprendizaxe independente aos espazos convencionais de ensino cara a cara", recolle o proxecto e-Hospital, "A interacción social e o aprendizaxe compartido son posíbeis coa axuda de ferramentas virtuais".

Diversos centros de investigación europeos desenvolverán iniciativas vencelladas a este proxecto, no que colaboran Alemaña, Austria, Polonia e Francia. A nivel estatal a representación correspóndelle a Galiza, e deica setembro de 2008 vaise concretar en experiencias concretas como a proxectada por Cesga e USC, que posteriormente vanse avaliar conxuntamente para en función dos resultados elaborar recomendacións e guías para a súa expansión a nivel da Unión Europea.

Representantes do proxecto comunitario asistirán esta fin de semana a un encontro en Santiago de Compostela, onde analizarán os resultados do traballo xa realizado ao longo dos sete meses de desenvolvemento da iniativa e as posíbeis accións futuras. No acto de sinatura do convenio que une a Galiza co e-Hospital intervirán o presidente do CESGA e director xeral de Investigación, Desenvolvemento e Innovación, Salustiano Mato; o xefe da Unidade de
Lesionados Medulares do Hospital Juan Canalejo, o doutor Rodríguez Sotillos; a vicerreitora de
Estudantes e Relacións Institucionais en funcións da USC, Elena Vázquez Cendón; o director
xerente do CESGA, Javier García Tobío; e a profesora do Departamento de Didáctica e Organización Escolar da USC, Carmen Fernández Morante.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: