Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
[Básquet]

Os baloncestitas galegos do Special Olympics levan o ouro nos xogos especiais de Austria

Os 9 integrantes do equipo de Baloncesto Special Olympics Galiza, que agrupa a deportistas con discapacidade intelectual, fixéronse coa medalla de ouro na competición de Baloncesto nos Xogos Nacionais de Verán de Austria, celebrados na localidade de Kapfenberg no pasado mes de xuño. O equipo galego foi o único representante do Estado neste certame.

- 11:23 07/07/2006
Tags:

O equipo de baloncesto do Special Olympics Galiza, formado por deportistas da Asociación Saladino Cortizo, de Vigo, superaron na liguiña da competición de nivel III (básico) aos equipos de Suiza e Eslovenia, mentres que perderon por dous puntos de diferencia contra Austria. Unha vez superada esta fase inicial, os galegos pasaron á emifinal na que se enfrontaron a Austria, á que gañaron por 23 – 12, pasando así á final na que se impuxeron a Suiza cun marcador de 29 – 25.

Os Xogos Nacionais de Verán de Austria albergaron competicións para deportistas con discapacidade intelectual de atletismo, baloncesto, balonmán, bocce, ciclismo, fútbol, ximnasia, levantamento de peso, natación, patinaxe sobre rodas, probas motrices, tenis, tenis de mesa, e voleibol. Os campións galegos foron os únicos de todo o Estado con participación neste campionato.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: