Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
[FÚTBOL]

Bota a andar a primeira edición da Copa Xunta de clubs de fútbol

Pontevedra-Celta, Negreira-Rácing de Ferrol e Lugo-Deportivo serán os primeiros partidos da Copa Xunta de clubs de fútbol. Trátase da primeira edición dun torneo no que participarán os mellores equipos do fútbol galego: Deportivo, Celta, Pontevedra, Lugo, Ourense, Rácing de Ferrol, Negreira e Celta B. Así, e desde este domingo seis de agosto, estes conxuntos loitarán por facerse con este título que nace coa intención de ser o novo punto de referencia da pretempada futbolística en Galiza.

- 15:20 31/07/2006
Tags:

A Copa Xunta de clubs de fútbol é unha iniciativa da Dirección Xeral para o Deporte coa que se pretende dar un novo pulo ao fútbol feito en Galiza. Na competición participarán os clubs de Primeira e Segunda B. Completa o cadro do torneo o Negreira como equipo convidado. Seguindo un criterio de proximidade, establecéronse dous grupos para a primeira fase, que se disputará ao longo do mes de agosto, polo sistema de liguiña a un só partido en cada grupo, e do que resultarán os dous equipos que pasan á seguinte fase.

Grupo A
Real Club Deportivo de A Coruña
Rácing Club de Ferrol
Sociedade Deportiva Negreira
Club Deportivo Lugo

Grupo B
Real Club Celta de Vigo
Club Deportivo Ourense
Pontevedra Club de Fútbol
Real Club Celta de Vigo "B"

Calendario
Domingo, 6 de agosto:

    Pontevedra – Celta
    Negreira – Rácing de Ferrol
    Lugo – Deportivo

Mércores, 9 de agosto:

    Celta B – Ourense
    Lugo – Negreira
    Rácing de Ferrol – Deportivo

Sábado, 12 de agosto:

    Lugo – Rácing de Ferrol
    Negreira – Deportivo

Luns, 14 de agosto:

    Celta B – Pontevedra

Xoves, 17 de agosto:

    Ourense – Celta

Domingo, 20 de agosto:

    Ourense - Pontevedra

Queda pendente de data o partido entre o Celta e o Celta B.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: