Lourdes Domínguez proclámase campioa de España
A tenista pontevedresa Lourdes Domínguez proclamouse este domingo campioa de España logo de vencer por 6-1 e 6-0 a sevillana Estrella Cabeza. Ao triunfo acadado na fin de semana na pista central da Real Sociedade de Tenis de Santander hai que sumarlle este o WTA de Bogotá e o subcampionato en Hungría. Domínguez non tivo rival no torneo estatal e venceu antes da final a Mireia González, Carla Suárez e Laura Pous.
Cun claro 6-1 e 6-0 na final ante Estrella Cabeza, a pontevedresa Lourdes Domínguez proclamouse o domingo campioa de España. Logo do seu paso polo US Open, onde perdeu na primeira rolda ante Serena Williams, a tenista galega venceu con autoridade no campionato estatal.
A mellor nova para Domínguez é a súa melloría física, logo de sufrir nos últimos anos numerosas lesións, o que lle permite ser máis competitiva en partidos longos. Actualmente a tenista galega ocupa o posto 41 no ránking da WTA.
Ligazóns
- O tenis galego queda sen representación en Wimbledon
- Primeira participación en Wimbledon de Lourdes Domínguez
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto