Vieiros

A Comisión Europea anunciou que Romanía e mais Bugaria serán admitidas para entrar na Unión Europea en xaneiro do ano que vén, aínda que con condicións. O presidente da Comisión, Durão Barroso, dixo que os dous países fixeron abondos avances para entrar na UE, se ben van ser vixilados severamente en tres puntos críticos: a corrupción e o crime organizado, o uso dos fondos europeos e a seguridade alimentaria. Deste xeito queda asegurada a ampliación comunitaria a 27 estados, despois das reservas que lle poñían difícil o camiño a Romanía, con moitas reformas que abordar. O primeiro ministo romanés, Calin Tariceanu, manifestou o orgullo polos seus cidadáns, aínda que lles advertiu que a admisión na UE non lles vai resolver todos os problemas. Para o mandatario búlgaro, este fito é para o seu país equiparábel á caída do muro de Berlín.

• O discurso íntegro de Barroso en inglés aquí.
• Canto sabes dos novos países da UE? Fai o test na web da BBC.
• No escáner: Cal é o futuro de Galiza na Europa dos 25?
• Especial de Vieiros: A Europa que queremos