Vieiros

Achegarlles ás escolas a tradición oral e facilitar que o alumnado de primaria e secundaria dos colexios galegos se acheguen ás manifestacións culturais inmateriais que están no seu contorno máis inmediato, son obxectivos dos obradoiros que se celebrarán estes días. Alén das sete cidades, hai actividades convocadas en Sarria, A Limia, Melide e Tomiño. Participan entre outros os artistas Ugía Pedreira, Candido Pazó, Tino Vaz, Loca Motora, Pavís Pavós e Antón Castro.

Á beira, Ponte nas Ondas organizou tamén un Certame de Recolla de Tradición Oral, que repartirá seis mil euros en premios, recoñecendo os traballos en vídeo ou audio que "mellor contribúan a preservar e promover a literatura de tradición oral". O prazo de presentación de traballos remata o 2 de maio de 2007, aínda que o colectivo pídelles aos centros educativos que envíen antes do 22 de decembro a súa solicitude.