Vieiros

Vieiros de meu Perfil


Edición xeral

RSS de Edición xeral

40ª Marcha contra a Fame de Mans Unidas

O día foi claro e o calor do sol de Marzo non intimidou ós entusiastas xoves que o sábado decidiron dedica-la mañá a unha actividade solidaria. Con tenis e roupa cómoda, ó redor de dous mil rapaces duns trinta colexios e parroquias da comarca tomaron parte na Marcha contra a Fame organizada por Manos Unidas. A camiñata levou por toda a cidade a xoven preocupación por recadar fondos para os países menos favorecidos.

- 10:33 15/03/1999
Tags:

Os participantes estaban convocados ás dez da mañá na praza de A Palloza, punto dende onde partiu este ano a marcha, habitualmente dende Santa Cruz, debido á folga de transportes.

A organización dos trinta grupos -sobre todo colexios e parroquias- que se sumaron á iniciativa dende distintos puntos da cidade e a comarca e o reparto de pegatinas demorou ata as 10:45 h. a saída do peculiar maratón, durante o cal mantiveron a súa particular competición uns dous mil xoves.

Tratábase de que cada un reunise a maior cantidade de cartos buscando ós seus patrocinadores, é dicir, logrando o pago dunha determinada cantidade por kilómetro recorrido.

O obxectivo conxunto da Marcha contra a Fame, que celebrou o sábado a súa 40ª edición, era reunir tres millóns de pesetas para distribuir nos diferentes proxectos que cada colexio e parroquia apoia en países do terceiro mundo, dende centros de acollida para mulleres na India, ata pozos en Burkina Faso, ou a dotación de material para Honduras (arrasado polo Mitch).

A comitiva recorreu Linares Rivas ata o Obelisco, cruzou a Rúa Nova ata o paseo marítimo, dirixiuse ata Labañou, dende onde voltou pola paseo ata a Torre e rematou o seu percorrido, preto das dúas da tarde e tras facer uns dez kilómetros, na plaza de María Pita.

Rubén García


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: