Edición xeral
O BNG propón a comercialización de bonecas que falen en galego
O portavoz de Lingua do BNG, Bieito Lobeira, rexistrou esta semana unha pregunta no parlamento para a súa resposta escrita, sobre as iniciativas que ten previsto adoptar a Secretaría Xeral de Política Lingüística na galeguización dos xoguetes e agasallos dirixidos aos cativos. Lobeira recordou o importante papel que no desenvolvemento dos nenos xogan os xoguetes e agasallos que receben, polo que pódense converter nun instrumento máis na normalización do galego.
Como exemplo, o deputado citou as bonecas faladoras que, malia seren xoguetes moi habituais entre os máis pequenos, "non falan unha soa palabra en galego. Só falan español e reproducen o esquema lingüístico imposto". Porén, si existen bonecos que falan noutras linguas do Estado, como é o caso do catalán. Lobeira manifestou a importancia que tamén ten a oferta de filmes en DVD cunha dobraxe e un subtitulado en galego.
"É unha oportunidade para gañar espazos na normalización da nosa lingua nun sector como o da infancia, tan necesitado de iniciativas destas características", sinalou o nacionalista.
- Anterior: Unha empresa valenciana valora fabricar a primeira boneca galegofalante
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto