E máis finalistas... Esta vez dos Max
Xa sabemos quen vai aos Óscar, e tamén quen estará na gala dos Mestre Mateo. Pero ademais do cinema, a arte de Talía tamén premia aos mellores intérpretes, á mellor dirección, e ao mellor texto. Xa coñecemos os nomes dos candidatos aos Premios Max 2006. Estes galardóns, que reciben o nome do inesquecíbel personaxe de Luces de bohemia, serán entregados no Pazo Euskalduna o próximo 16 de abril. Nas candidaturas ao mellor texto en galego, competen Carlos Álvarez-Ossorio (por A casa do pai, levada á escena por Cámara Negra, Teatro do Noroeste e Noescafé Teatro); Gustavo Pernas Cora (por Final de película, de Áncora Producións); e José Luis Prieto (por Carambola: cóncavo convexo, de lagarta, lagarta. Quen deles levará a mazá con antiface?
Aínda haberá outro finalista galego aos X Max entre as obras concursantes a Espectáculo Revelación; os nomes dos aspirantes a esta categoría, elixidos a través dun comité especializado, facilitaranse nos próximos días.
Gustavo Pernas Cora xa gañou o último Max ao Mellor Autor Teatral en Galego, o ano pasado, por Paso de cebra, e José Luis Prieto obtívoo en dúas ocasións, con Monólogo do imbécil (2003) e Fobias (Max 2005).
Documentos
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto