Vieiros

Vieiros de meu Perfil


Edición xeral

RSS de Edición xeral
A IV COPA DE ESPAÑA DESPÚTASE NO CARBALLIÑO O 18 DE FEBREIRO

Varios colectivos piden á Xunta que suspenda a caza do raposo

O próximo 18 de febreiro, os tecores do Carballiño e o Ribeiro acollen a IV Copa de España de Caza do Raposo. ADEGA, Outeiro, Ridimosas, Coto do Frade, Amigos da Terra, Verdegaia e o Movemento Cívico Matar por Matar Non, solicitan á Consellería de Medio Ambiente que modifique a Lei de Caza, de xeito que se prohiban as competicións e actividades cinexéticas no monte durante a época de cría, que se restrinxa a circulación de tráfico polo monte nesas datas, e, ao mesmo tempo, que se estabeleza unha temporada de caza única e as batidas non se realicen fóra de época. Tamén propoñen a creación dun Comité Regulador de Actividades Cinexéticas que garanta a sustentabilidade da fauna.

- 07:30 02/02/2007
Tags:

A tempada de caza rematou o día 7 de xaneiro, e agora comeza a época de apareamento. Estes colectivos salientan a maior gravidade que supón unha actividade cinexética en tempada de cría, que pode carrexar un risco para a supervivencia da especie.

"Esta continua actividade no monte non deixa sosego para que os animais se reproduzan, e así temos que asistir á solta de animais criados en catividade para despois cazalos, sen que, polo xeral, teñan tempo de se adaptaren ao novo hábitat en liberdade". Salientan que especies como os coellos autóctonos, o lobo, as perdices silvestres, o teixugo, a donicela, ou a aguia están a desaparecer dos nosos montes, non só por mor das actividades cinexéticas en si, senón tamén grazas á creación de infraestruturas ou vías de comunicación no monte.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: