Vieiros

Vieiros de meu Perfil


Máis Alá

Xestionado por Vieiros
RSS de Máis Alá
DÚAS ÚLTIMAS XORNADAS DO CICLO 'VIDEOCLISIÓN'

Camela, Bisbal e os Vixilantes da Praia estarán no CGAC

Fetiches da cultura popular dos anos 90 estarán o martes 13 no Centro Galego de Arte Contemporánea de Compostela na quinta xornada do ciclo Videoclisión. A sesión, titulada Paralelismos, amosa os estereotipos sexistas que crearon as series de televisión na década pasada e a súa influencia no auxe da cirurxía estética, as modelos e os videoclips da época. Así mesmo, as telenovelas contaxiáronlles a súa estética aos vídeos de cantantes como David Bisbal e Camela.

- 12:47 13/02/2007
Tags:

A partir das sete e media do serán, dentro do programa dirixido por Mery Cuesta, proxectarase o primeiro episodio d'Os vixilantes da praia no que apareceu Pamela Anderson e fragmentos doutros dous capítulos, a presentación do programa da BBC The Old Grey Whistle Test e a actuación que fixo nel Meat Loaf e, finalmente, veranse videoclips de Madonna, Robert Palmer, George Michael, David Hasselhoff, Right Said Fred, Mariah Carey, David Bisbal, Camela e Eric Prydz.

O ciclo rematará o xoves 15 co capítulo Mutacións: telerrealidade e crise, que repasará o fenómeno dos reality shows e o seu efecto, denominado 'hiperrealidade televisiva'. Nesa última sesión verase un episodio da teleserie Max Headroom, un videoclip de Britney Spears e extractos dos programas Gran Hermano e Operación Triunfo, entre outros.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: