Vieiros

Vieiros de meu Perfil


Edición xeral

RSS de Edición xeral
POR PRESUNTO COBRO DE COMISIÓNS A CAMBIO DE LICENZAS

Detidos por corrupción urbanística dous concelleiros do PP en Gondomar

Alexandre Gómez Garrido, concelleiro de Urbanismo e Xosé Luís Mosquera, responsábel de Cultura no Concello de Gondomar, foron detidos pola Garda Civil a última hora do mércores. As detencións inclúen tamén ao arquitecto municipal e á compañeira sentimental dun deles. Presuntamente, estarían implicados nunha trama urbanística que inclúe o cobro de comisións a cambio de licenzas. A operación foi autorizada polo xulgado número 6 de Vigo logo das instrucións da fiscalía de medio ambiente e delitos urbanísticos do Tribunal Superior de Xustiza de Galicia.

- 06:43 15/02/2007
Tags:

O presunto cobro de cartos a cambio da concesión de licenzas e a axilización de expedientes urbanísticos é a principal acusación á que deberán responder os detidos. A operación policial acelerouse ao detectar este mesmo mércores unha nova manobra deste tipo. A investigación iniciárase pola denuncia dun promotor ao que lle terían solicitado un pagamento ilegal a cambio de favores urbanísticos en predios do municipio.

O Plan Xeral de Ordenación Urbana do Concello de Gondomar permanecía paralizado logo da decisión do Tribunal Superior de Xustiza de Galicia despois dun recurso presentado contra o documento polo grupo socialista local. Así e todo, o Concello teimou en dar máis licenzas urbanísticas, até arredor de 300, segundo queixa da oposición municipal.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: