Todo Díaz Pardo nun libro
A Asociación Cultural Fuco Buxán, de Ferrol, réndelle homenaxe a Isaac Díaz Pardo nun libro que presentou o martes diante dos medios de comunicación e que se dará a coñecer ao público en xeral o 2 de marzo. En Díaz Pardo. Homenaxe galega recóllense un cento de fotografías relativas ao intelectual e á súa obra, ademais das intervencións dos participantes nas mesas redondas que se desenvolveron durante este mes na sede ferrolá da Fundación Caixa Galicia.
Así mesmo, na publicación, de 260 páxinas, recompílanse as composicións que se recitarán no acto central de homenaxe a Díaz Pardo o 2 de marzo no Teatro Jofre. Alí estarán os poetas Eva Veiga, Xosé Leira, José Viale Moutinho e Rosa Méndez Fonte, que se encargou da compilación do libro. Con el, preténdese profundizar no coñecemento da traxectoria de Isaac Díaz Pardo en todas as súas vertentes.
O libro presentarase oficialmente a noite do 2 de marzo, na cea-homenaxe que se desenvolverá despois do acto no Jofre. Todos os asistentes ao evento recibirán un volume como agasallo, e unha boa parte da tiraxe destinarase a bibliotecas, asociacións e entidades co fin de facilitar a difusión pública da obra.
Ligazóns
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto