Vieiros

"Nós somos independentistas", explicou Otegi para o xornal catalán, "o que queremos transmitirlle á cidadanía é que dentro dun marco democrático onde teñan cabida todos os proxectos, a independencia só se pode construír desde as vías pacíficas e democráticas: non se pode construír doutra maneira".

A intervención do líder da formación abertzale está chea de novas chiscadelas cara ao goberno na liña das recentes declaracións que abren camiño para un escenario favorábel á legalización de Batasuna antes das próximas eleccións municipais. Nesa liña, o xefe do executivo español opinaba este domingo que as declaracións de Otegi inclúen "elementos distintos a outros pronunciamentos tradicionais". Con todo, Zapatero opinou que sería necesario "un rexeitamento da violencia" por parte dese partido.

Sobre as mesmas palabras de Otegi reflexionou tamén o PP, por boca do seu secretario xeral en Eukadi, Carmelo Barrio, quen cualificou ao líder de Batasuna de "voceiro da ETA" e definiu a entrevista como "unha trampa". "Todo forma parte dunha estratexia de chantaxe á sociedade democrática", dixo Barrio.

Poden ler a entrevista completa a Arnaldo Otegi en La Vanguardia.