Vieiros

Vieiros de meu Perfil


Fwwwrando

RSS de Fwwwrando
OS ARQUIVOS DO NOVO PORTAL LEVARÁN O DRM DE MICROSOFT

Bittorrent venderá filmes e series na rede dende este luns

Bittorrent abre este luns o seu portal Bittorrent Entertainment Network, que permitirá a descarga legal de filmes e programas de televisión. A empresa consegue, así, reconciliarse coa industria cinematográfica estadounidense distribuíndo contidos de pago a prezos que oscilan entre os 2 dólares dos programas de televisión até os 4 dos filmes de estrea. Iso si, estes últimos só se ofrecerán na modalidade de alugueiro.

- 12:40 26/02/2007
Tags:
Logotipo

Logotipo

Os arquivos distribuídos pola tenda de Bittorrent irán marcados polo DRM de Microsoft, que impedirá que os filmes se poidan ver pasado un tempo, e tamén lles pecha as portas aos usuarios doutros sistemas operativos diferentes do Windows. Bittorrent Inc. enfróntase, ademais, á competencia doutras tendas en liña e, por suposto, á das webs que recompilan arquivos que se distribúen gratuítamente empregando o mesmo sistema. Bittorrent é unha tecnoloxía de código aberto que permite a transmisión de ficheiros dun xeito rápido e efectivo que evita a saturación dos servidores.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: