Vieiros

Vieiros de meu Perfil


Edición xeral

RSS de Edición xeral
O GOBERNO ISRAELÍ XA MANIFESTOU O SEU DESACORDO

Un informe da ONU compara a ocupación israelí de Palestina co apartheid

Unha comisión independente vai presentar un informe por encargo da ONU, no que se comparan as accións de Israel nos territorios ocupados de Palestina coas políticas do [em]apartheid[/em] en Suráfrica. As acusacións xa provocaron as queixas do goberno israelí.

- 13:15 27/02/2007
Muro israelí ao seu paso por Belén

Muro israelí ao seu paso por Belén

O informe elaborado polo enviado independente John Dugard, experto da ONU no conflito entre Israel e Palestina, será presentado en marzo. Dugard, avogado sudafricano que loitou contra o apartheid na década dos oitenta, sinala no documento que “as leis e as prácticas de Israel nos territorios ocupados de Palestina aseméllanse en certos aspectos” a este.

Ao longo de vintecatro páxinas enumera unha serie de acusacións contra o estado de Israel que van dende a restrición de mobilidade aos palestinos até a demolición de casas, pasando polo trato de favor que reciben os colonos xudeus en Cisxordania.

“Pode alguén negar que a intención destas accións é a de estabelecer e manter a dominancia dun grupo racial (os israelís) sobre outro (os palestinos), e oprimilos sistematicamente?”, cuestiona Dugard.

O embaixador de Israel en Xenebra, Yitzhak Levanon, criticou o informe por dirixírense os ataques só cara ao seu estado. “Calquera conclusión exposta é, polo tanto, tendenciosa”, sinalou.

Poden ampliar a información en BBC News.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: