Gustavo Domínguez, duodécimo na segunda etapa da Volta a Valencia
O Karpin Galicia segue a competir na 65 volta ciclista á Comunidade Valenciana, que se está a disputar dende o martes até o sábado. O conxunto galego atópase na posición décimo terceira, despois de transcorreren dúas etapas. No percorrido do martes, con saída e chegada en Alcira, Gustavo Domínguez foi o primeiro corredor do Karpin en chegar á meta, no posto duodécimo.
Gustavo Domínguez
O mércores, en Calpe, foi o seu compañeiro de equipo Carlos Castaño o que acadou mellor posición: a número 22, quedando por detrás Domínguez, de 41º, e Ezequiel Mosquera, de 42º. Os primeiros ciclistas do Karpin chegaron, os dous días, no mesmo tempo ca os líderes.
Os italianos están a dominar, polo momento, a carreira. A primeira etapa venceuna Daniele Bennati, do Lampre-Fondital, que completou o itinerario de 162,7 quilómetros en 3 horas, 34 minutos e 31 segundos. A segunda gañouna o seu paisano Alessandro Petacchi, do Team Milram, que tardou 3 horas, 38 minutos e 19 segundos en rodar polos 148,2 quilómetros da etapa.
Petacchi é o líder da clasificación xeral, con 7 horas, 12 minutos e 34 segundos. O primeiro galego é Gustavo Domínguez, na posición décimo novena, a 16 segundos do primeiro. Co mesmo tempo están Ezequiel Mosquera, no posto 52º, e Carlos Castaño, no 60º.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto