Vieiros

Vieiros de meu Perfil


Edición xeral

RSS de Edición xeral
INSTITUCIÓNS PENITENCIARIAS CONCEDEULLE A PRISIÓN ATENUADA

De Juana Chaos abandona o hospital

O preso de ETA Iñaki de Juana Chaos abandonou na mañá do xoves o hospital Doce de Outubro de Madrid con dirección a un hospital de Euskadi. O traslado produciuse pouco despois de que Institucións Penitenciarias decidise aplicarlle a prisión atenuada, tras 115 días en folga de fame.

Redacción - 10:38 01/03/2007
Tags:
De Juana Chaos leva 115 días en folga de fame

De Juana Chaos leva 115 días en folga de fame

Iñaki de Juana Chaos abandonou este xoves, ao redor das 10.00 horas, o hospital madrileño Doce de Outubro, logo de 115 días en folga de fame. Institucións Penitenciarias, organismo dependente do Ministerio do Interior, adoptou a decisión en base o grave estado de saúde do preso da ETA.

A medida decretada pola Dirección Xeral de Institucións Penitenciarias implica que o preso poida cumprir o resto da condena -un ano, aproximadamente- no seu domicilio baixo vixilancia policial, segundo publica o diario madrileño El Pais.

Reacción de De Juana
O ministro do Interior español, Alfredo Pérez Rubalcaba, vai comparecer ás 12.30 horas ante os medios para informar sobre a decisión do goberno con respecto á situación penitenciaria de De Juana. Polo momento, non se sabe da resposta que poida ter o propio afectado, quen en varias ocasións reiterou a súa decisión de non abandonar a folga de fame até que lle concedan a liberdade.

Nova proposta abertzale
Por outra banda, o diario vasco Gara anunciou a intención da esquerda abertzale de presentar o vindeiro sábado en Iruña a súa proposta de "novo marco político", coa que pretende pechar un tempo pasado, "para abrir outro que se encamiñe cara ás solucións".

Poden ampliar as informacións en EiTB


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: