Mercan os dereitos sobre a patente dos reprodutores mp3 e denuncian os principais fabricantes
A empresa estadounidense Texas MP3 Technologies demandou a Apple, Samsung e Sandisk, principais fabricantes de reprodutores mp3 do mundo, por infrinxir a lei de patentes. Os denunciantes mercáronlle a dous coreanos hai pouco máis de dúas semanas un curioso rexistro de 1997 relacionado con este tipo de reprodutores.
"Un dispositivo portátil de audio conveniente para reproducir información codificada en formato mpeg e que inclúe varias entradas, capacidade para almacenar datos, unha pantalla, unha saída de audio, un procesador e unha batería". Esta é a patente que rexistraron en 1997 dous visionarios coreanos.
Hai dúas semanas venderon o seu rexistro á empresa Texas MP3 Technologies, que apenas tardou dez días en presentar unha demanda contra Apple, Samsung e Sandisk por infrinxir a lei de patentes.
A venda dos dereitos a unha empresa texana non foi casual. Na cidade de Marshall acostuman a levarse a cabo numerosos xuízos rápidos por infracción de patentes que case sempre favorecen ao demandante. Texas MP3 Technologies reclama unha sentencia severa xa que as tres empresas vulneraron o rexistro de forma "voluntaria".
Esta semana a empresa Microsoft tamén foi condenada a pagar 834 millóns de euros a Alcatel por utilizar unha das súas patentes sobre o formato mp3.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto