Vieiros

Vieiros de meu Perfil


Fwwwrando

RSS de Fwwwrando
Asociacións de defensa das liberdades tachan a decisión de antidemocrática

Unha lei francesa castigará os que difundan vídeos violentos e non sexan xornalistas

O consello constitucional francés deulle o visto e prace á xa coñecida como Lei Sarkozy contra a delincuencia. Entre outras medidas restritivas, o texto prohibe que a xente que non sexa xornalista profesional difunda vídeos violentos na rede, cunha pena de até cinco anos de cadea.

Redacción - 12:05 07/03/2007

Diversas organizacións, como a liga pola defensa das liberdades Odebi, tacharon o texto de antidemocrático e advertiron de que pode poñer en perigo as liberdades de expresión e de información e o xornalismo cidadán. A decisión do consello constitucional fíxose xusto dezaseis anos despois de que o videoafeccionado George Holliday gravase e difundise o vídeo en que catro policías de Los Ángeles agredían a Rodney King.

O que nun principio era unha medida pensada para penar o happy slapping, vídeos de violencia gravados para a diversión dos atacantes, podería supoñer que en casos como o feito público por George Holliday fose o autor da gravación o que rematase na cadea.

A lei tamén propón que o goberno cree un sistema de certificación de fiabilidade informativa para páxinas web, fornecedores de servizo de internet, operadores de telefonía e empresas de hospedaxe de blogs. Reporteiros sen fronteiras alertou de que este sistema podería provocar un aumento da autocensura dos medios que non queiran perder a certificación gobernamental.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: