Vieiros

Vieiros de meu Perfil


Galego.org

Xestionado por Vieiros
RSS de Galego.org
OS CENTROS DESEÑARÁN OS SEUS PROXECTOS

Euskadi aposta por un ensino co euskera como lingua vehicular

A proposta aparcaría o actual sistema de modelos lingüísticos distintos que data de 1982.

Redacción - 19:29 08/03/2007
Anuncio para a aprendizaxe do euskera / Foto: nonbait.com

Anuncio para a aprendizaxe do euskera / Foto: nonbait.com

O conselleiro de Educación vasco, Tontxu Campos, presentou este xoves a proposta do goberno para reformar o modelo lingüístico no ensino. A consellaría pretende substituir o actual sistema, que se reparte en tres sistemas (A,B,C) dependendo o grao de presenza do euskera ou do castelán.

Campos sinala que o proxecto busca un “marco de aprendizaxe e de ensino plurilingüe”, no que o euskera sexa a principal lingua vehicular. Porén, os centros terán liberdade para desenvolver as súas propias propostas.

Campos recoñeceu que o actual modelo non conseguiu que os alumnos rematen o ensino obrigatorio cunha boa capacitación no idioma propio. O goberno coida que con esta nova proposta os rapaces terían competencia acreditada tanto en euskera coma en castelán cando rematen os seus estudos.


4.58/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: