Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Xa conta con preto de 19.000 títulos

Crean en Arxentina unha biblioteca dixital para cegos

Preto de 3.000 subscritores de 40 países gozan deste servizo a través de diferentes formatos de audio.

Redacción - 11:15 12/03/2007
Os libros poden escoitarse en reprodutores mp3

Os libros poden escoitarse en reprodutores mp3

Libros falados e gravados en soportes dixitais para que as persoas con deficiencias de visión poidan gozar da literatura. É a sinxela en aparencia, pero complexa na práctica, idea que puxeron en marcha hai 8 anos unha parella de cegos de Arxentina.

A súa empresa, Tiflolibros, converteuse na primeira biblioteca en castelán para cegos e xa conta na actualidade con 19.000 títulos. Segundo os seus creadores, o proxecto naceu cando vinte persoas comezaron a intercambiar por correo electrónico algúns títulos.

Desde aquel entón, creouse un espazo físico onde os invidentes poden escoitar a través dun ordenador calquera das obras do catálogo. A empresa oferta ademais a posibilidade de enviar os títulos en formato dixital para que poidan ser gozadas mediante diferentes soportes, como reprodutores mp3.

A iniciativa puido desenvolverse grazas á creación do software Tiflolector, creado por un programador cego, a través do cal os textos poden ser dixitalizados sen risco de que logo se realicen copias impresas ilegais. Deste xeito, os textos son accesíbeis só para os que sofren cegueira.

A biblioteca conta na actualidade coa colaboración de varias editoriais. Estas ceden as obras e incluso as súas versións dixitais antes de que a edición impresa estea nas tendas. Porén, para acceder ao catálogo hai que presentar unha solicitude e un certificado que acredite a discapacidade.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: