Vieiros

Vieiros de meu Perfil


Fwwwrando

RSS de Fwwwrando
Problemas para a compañía de Steve Jobs

Críticas desde a UE á incompatibilidade do iPod co software que non é de Apple

As cancións mercadas na tenda virtual iTunes só poden ser reproducidas no iPod.

Redacción - 16:30 12/03/2007
Tags: Apple iPod mp3
O iTunes Store vendeu máis de 1.000 millóns de cancións en 2007

O iTunes Store vendeu máis de 1.000 millóns de cancións en 2007

A comisaria de Consumo da Unión Europea, Meglena Kuneva, criticou a empresa estadounidense Apple polo falta de compatibilidade do seu reprodutor iPod con outro software que non sexa o iTunes.

Segundo informa o semanario alemán Focus, Kuneva non cre que sexa correcto que “unha canción do iTunes só poida escoitarse no iPod” e asegura que “algo debe cambiar”.

E é que, ademais do impedimento de xestionar o iPod con outro software, os usuarios que mercan cancións na tenda virtual de Apple non poden levar a súa adquisición a un reprodutor doutra compañía.

Así, os máis de mil millóns de temas vendidos a través do iTunes Store en 2007 só poden ser escoitados no reprodutor da mazá, algo que non gusta en países como Noruega. O país escandinavo pediulle a Apple que liberalice o seu sistema de descargas antes do día 1 de outubro ou que se enfrontará a accións legais. Alemaña, Francia e Finlandia tamén amosaron a súa desconformidade con esta incompatibilidade.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: