Vieiros

O festival contará coa participación da gaiteira galega Susana Seivane e de grupos formados por galegos residentes en Sudamérica, como Os Trapalleiros e Montegal, de Montevideo, e Conxunto Folk-Celta do Centro Galicia, Os Furafoles e Sete Netos, de Bos Aires.

Co evento téntase cumprir co dereito das comunidades galegas no impulso das actividades culturais para o fomento da lingua, da cultura e das tradicións. Así mesmo, Emigración pretende dar a coñecer as manifestacións artísticas de Galiza nos países de acollemento dos nosos emigrantes.

Os concertos terán entrada de balde. Os convites poderanse recoller nos centros galegos dos dous países e nas oficinas de información e asesoramento do Centro Gallego de Bos Aires e da Unión de Sociedades Gallegas de Montevideo.
O primeiro acto será o día 24 ás oito e media da tarde no Polideportivo de Carrasco, en Montevideo. En Bos Aires desenvolverase o 25 de marzo ás seta da tarde no Campo dos Deportes Galicia.