Vieiros

Ao final, a maior experiencia do combinado Leste, vestido de laranxa, impúxose ao do Oeste, con uniformes azuis. A crónica pódese ler na páxina da asociación O Varal e, decontado, a canle dixital da Liga Nacional de Billarda, Tele-Varal, irá engadindo os vídeos coas mellores entrevistas do campionato.

No blogomillo, unha das participantes, Besbellinha, conta a súa experiencia en primeira persoa como integrante da Conferencia Oeste. Tamén houbo presenza do evento deportivo nos medios audiovisuais do país, coa presentación oficial no programa Luar da Galega e a entrevista a un dos participantes, Sak, no programa Extrarradio da radio pública.

Previamente ao All Stars desenvolveuse o novidoso concurso de mates, cuxa final disputaron David, do conxunto occidental, contra o que ao final foi o vencedor, Juan Pico, do Leste.