Vieiros

Vieiros de meu Perfil


Edición xeral

RSS de Edición xeral
UTILIZA FORMAS COMO LAS NIEVES OU RIANJO

O BNG esixe que o Instituto Xeográfico aplique a legalidade toponómica

Pídelle explicacións ao Ministerio de Fomento no Congreso e no Senado.

Redacción - 13:50 20/03/2007
Rodríguez pídelle explicacións a Fomento

Rodríguez pídelle explicacións a Fomento

O Instituto Xeográfico Nacional, IGN, pasa sistematicamente a toponimia galega polo coador lingüístico do castelán, tal e como xa denunciou no seu día a Ciberirmandade da Fala. Por iso non é estraño atopar na súa web que en Galiza existe un “Arteijo”, un “Rianjo” ou un “Las Nieves” ou un máis que curioso municipio chamado “Chandreja de Queija”.

O deputado Francisco Rodríguez e o senador Francisco Jorquera veñen transformar estas anormalidades en preguntas ao goberno estatal. Os dous representantes nacionalistas queren que o Ministerio de Fomento dea explicacións e que, á vez, aplique a legalidade vixente.

O máis sorprendente de todo é que o Instituto Xeográfico participa na Comisión de Toponimia da Xunta de Galicia. Por ista razón, dende o Bloque cren que hai máis unha cuestión de desleixo e falta de respecto que de simple descoñecemento.


Ligazóns

3.67/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: