Vieiros

Vieiros de meu Perfil


Edición xeral

RSS de Edición xeral
PARA 108 ESPECIES E 22 FORMACIÓNS ARBÓREAS

A Xunta pon en marcha un catálogo para protexer árbores senlleiras

O decreto servirá para conservar aquelas especies que polas súas características teñen un valor cultural ou natural salientábel.

Redacción - 17:30 22/03/2007

O Consello da Xunta aprobou este xoves a creación do Catálogo Galego de Árbores Senlleiras. A iniciativa, posta en marcha pola Consellería de Medio Ambiente, pretende darlla unha especial protección a determinados árbores que teñen importantes valores “naturais, culturais, científicos, didácticos, estéticos ou paisaxísticos”. En total están incluídas 108 especies e 22 formacións arbóreas, aínda así o decreto establece o procedemento para a inclusión de novas especies.

Os exemplares protexidos poderán contar con plans de xestión que persigan a súa conservación e mellora. Isto implicará a prohibición de accións que poidan afectar de xeito negativo a integridade das árbores catalogadas. Para calquera proxecto que afecte aos exemplares será preciso contar cunha autorización da Xunta.

Dende que se abriu o período de solicitudes de inclusión de novas especies no catálogo presentáronse xa preto dun cento de propostas. Agora o Comité de Árbores Senlleiras terá que avalialas para ver se cumpren os requisitos axeitados. Este órgano vai estar constituído por representantes de Medio Ambiente, Cultura, Medio Rural e de expertos varios.


4,33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: